|
| 港島總區指揮官郭嘉銓助理處長PMSM、中聯辦新界部原一級巡視員張肖鷹等出席典禮。(中評社記者攝) |
|
| 切乳豬儀式。(中評社記者攝) |
|
| 檢閱官謝喜武先生檢閱中。(中評社記者攝) |
|
| 檢閱官謝喜武先生與西區警務高層等合影。(中評社記者攝) |
|
| 捐贈簽字儀式。(中評社記者攝) |
|
| 會操典禮現場。(中評社記者攝) |
西區警區（輔警）周年進修訓練結業會操典禮檢閱官 謝喜武先生講詞
香港輔助警察隊 總監楊祖賜 PDSM
警務處港島總區指揮官 助理處長 郭嘉銓PMSM
西區警區指揮官 梁領群總警司
港區全國政協委員 葉永成先生S.B.S， B.B.S. ， M.H. 太平紳士
西區警區（輔警）周年進修訓練指揮官 陳培真（輔警）警司
各位警區長官、政府各部門官員
各位議員、各位社團領袖
各位嘉賓、各位輔警結業學員：
大家好！
今日，本人好榮幸獲邀擔任本年度西區警區（輔警）周年進修訓練結業會操典禮嘅檢閱官。同時承蒙各位嘉賓親臨觀禮並給予指導同支持，係度，我衷心感謝大家。
香港輔助警察隊由社會各個階層嘅志願人士組成，早喺一九一四年成立，有悠久而輝煌嘅歷史。香港輔助警察隊嘅成員都有固定職業，你哋抱住“工餘獻社群，輔警展潛能”嘅初心加入輔助警察隊。利用工餘同課餘時間接受嚴格嘅訓練，參與警務工作。為咗可以維持社會治安、保護市民生命財產，同埋守護香港。呢份服務社會嘅熱誠，真係好難得。你哋除咗要執行日常嘅警務工作之外，亦要喺公眾假期，犧牲同家人共聚嘅時間，盡心盡力協助警隊維持大型公眾活動嘅秩序、保障社會安寧，比市民可以安全 咁出席各種大型活動，呢種無私嘅精神，真係令人敬佩。
你哋選擇投身輔警工作，證明你哋都喺有決心、有能力、有承擔，願意為人民服務 嘅社會棟樑。近年社會經歷咗 好大嘅變化，市民對公共服務質素 嘅期望不斷提高，工作上面對前所未有 嘅挑戰同考驗。今年仲會有粵港澳首次合辦嘅中華人民共和國第十五屆運動會，到時警隊上下，包括輔警都需要肩負起 保安工作，確保賽事得以順利進行 並保障參與者嘅安全，我相信，即使責任重大，面對艱巨嘅工作，警務人員依然會對自己充滿信心，不論面對任何挑戰或者困難，都仲會緊守崗位，迎難而上，充分發揮團隊精神，盡心盡力維持治安，為社區提供緊急 嘅支援。
今日我好榮幸可以喺呢個咁重要嘅場合上，見證各位結業學員、精神奕奕，步履整齊咁去完成結業會操。
感謝每位輔警人員選擇著起警察制服，以“忠誠勇毅，心繫社會”嘅精神同信念守護香港。維護國家安全以及香港嘅治安，侅一個充滿挑戰嘅任務，希望各學員可以一直協助警隊維持治安。只要正規及輔助人員能夠齊心合力，團結一致，再加上市民對警隊嘅支持，我相信一定可以共創一個更和諧、更安全嘅社會，維護香港嘅安全同穩定。
最後，再次多謝各位來賓喺百忙之中，抽空出席今日嘅 結業會操典禮，我喺度恭賀所有結業學員，工作順利、前程似錦。亦祝香港輔助警察隊上下一心，繼續追求卓越，延續輔助警察隊嘅優良傳統。多謝大家！
|
